БИШКЕК, 27-май — Sputnik. Нарын облусунун Ак-Талаа районундагы Коңорчок айылында 1990-жылы туулган демилгелүү жаштар адырга бийиктиги 15 метрге жеткен мамлекеттик байрак орнотту. Бул туурасында айылдын тургуну Молдокмат Таалайбеков Sputnik Кыргызстан агенттигине билдирди.
"Айылдын күн чыгыш жагына орнотулган байрактын узундугу 3 метр, тууурасы 1,8 метр. Желекти орнотуу демилгеси айылдагы активдүү жаштарга таандык. Аны карап, эскирип калса алмаштырууну өзүбүз көзөмөлдөп турабыз", — деди Таалайбеков.
Ал мөөнөтү келгенде тууну алмаштырып, жаңысын илүү айылдагы жаштардын кийинки тобуна эстафета катары берилерин кошумчалады.
Таалайбековдун айтымында, Ак-Талаа районунун аймагында тоо үстүнө мындай бийиктиктеги мамлекеттик атрибут алгач ирет орнотулуп жатат.
