БИШКЕК, 8-май. — Sputnik. Сокулук районуна караштуу Байтик айылында жайгашкан "Кут Билим" окуу-тарбия комплексинде мурдагы муфтий Муратаалы ажы Жумановдун жаркын элесине арналган спорттук турнир башталды. Бул тууралуу муфтияттан билдиришти.
Мелдеш спорттун футбол жана баскетбол түрлөрү боюнча өтүп, ага 12ден ашык команда ат салышууда. Турнир мугалимдер жана окуучулар болуп эки этапка бөлүнгөн.
Кечээ башталган мелдеш бүгүн аяктап, жеңүүчүлөргө баалуу жана кызыктыруучу сыйлыктар ыйгарылат.