БИШКЕК, 3-май — Sputnik. Жыл башынан бери колдонулуп жаткан акчанын көлөмү 2 миллиард сомго азайганын Улуттук банктан маалымдашты.
Акча базасы — бул калктагы каражат (колдонулуп жаткан) жана финансы уюмдарынын резерви (депозиттер). Эсепке бир гана Кыргызстандын улуттук валютасы алынган.
Быйыл 1-январга карата акча базасы 85 миллиард 584,1 миллион сомду түзгөн. 1-апрелге карата акчанын көлөмү 81 миллиард 585,7 миллион сом болуп азайган. Ошентип бир кварталда акча базасы дээрлик 4 миллиард сомго түшүп кеткен.
Ал эми колдонулуп жаткан акча 74 миллиард 838,8 миллион сомдон 72 миллиард 884,6 миллион сомго кыскарган. Улуттук банк анын себептерин түшүндүргөн эмес.
