БИШКЕК, 30-апр. — Sputnik. Франциялык окумуштуулар алгачкы ирет наноунаалардын жарышын уюштурду. Бул тууралуу РИА Новости жазып чыкты.
Өлкөдөгү атомдук физика жана физика бөлүкчөлөрү институтунун окумуштууларынын айтымында, наноунаалар атайын вакуумдун ичинде даярдалган наножолдор менен жарышкан.
"Биз азырынча бул технология эмнеге алып бараанын айта албайбыз. Мунун жардамы менен моторлор, компьютерлер жасалышы азарынча белгисиз. Биз муну жөн гана өнүктүрүп жатабыз", — деди NanoCar Race долбоорунун жетекчиси Кристиан Иоахим.
Наноунаа — атомдук конструкция менен жасалган кичинекей моторлуу, механикалык жабдуулар.
