Ал эми үйү жок, мамкызматта иштебеген жарандар пайыздык жана алгачкы төлөмү өтө жогору коммерциялык ипотекаларды алууга аргасыз.
Sputnik Кыргызстан агенттиги өлкө аймагында ипотекалык насыя берген банктарды жана алардын шарттарын тизмектеп чыкты.
Кыргызстанда жалпысынан 25 мамлекеттик жана коммерциялык банктар иш алып барат. Алардын ичинен 14ү ипотекалык насыя берсе, алтоо бербейт. Булар: Пакистан улуттук банкынын Бишкектеги филиалы, "Дос-Кредобанк", "Чанг Ан Банк", "Кыргыз-Швейцария Банкы", "ФИНКА Банкы" жана "АМАНБАНК".
Ал эми "БТА Банк", "Азия Банк", "Айыл Банк", "Капитал Банк", "РСК Банк" банктары Мамлекеттик ипотека компаниясы менен "Жеткиликтүү турак-жай 2015-2020" программасынын алкагында иштешет.
