БИШКЕК, 22-апр. — Sputnik. Бишкектен анча алыс эмес жерде жайгашкан Ала-Арча жаратылыш паркында орнотулган фотокамералар сейрек кездешкен жаныбарларды тартып калган. Бул тууралуу Panthera Kyrgyzstan жаратылышты коргоо фондусунан билдиришти.
Анда жашыруун коюлган камерага Кызыл китепке кирген ак илбирс, аркар жана каман тартылып калган. Андан сырткары кекилик жана боз таркылдак өңдүү канаттуулар да түшкөн.
Ошондой эле апрель айында тартылган сүрөттөрдөн айрым жаныбарларды али кичинекей балдарын көрүүгө болот.
Бишкек шаарынын жака белиндеги Ала-Арча капчыгайында ак илбирс фотокапканга түшүп калган. Буга чейин көпчүлүк адистер аталган капчыгайда ак илбирс жашабай калгандыгын айтышкан.
Жаз келип, каман төлдөдү. Чаарала торопойлор.
Каман. Бул жаныбар чөптөрдүн тамыры менен тамактанат
Ала-Арча капчыгайындагы аркар
Жем издеп чыккан кашкулак
Кекилик — кыргоолдор тукумундагы илбээсин куш.
Боз таркылдак. Бул куш дарактардагы курт, кумурскалар менен тамактанат.
Аркар. Тоонун боорунда бул жаныбарлардай эч ким эркин жүрө албаса керек
