Радиостудия Sputnik Кыргызстан в Бишкеке - Sputnik Кыргызстан
Радио

Таалай Бугубаев: жүргүзүлгөн рейддерге карабай жол эрежесин бузгандар көп

© Sputnik / Эркин АлымбековКайгуул милициясынын маалымат кызматынын өкүлү Таалай Бугубаевдин архивдик сүрөтү
Кайгуул милициясынын маалымат кызматынын өкүлү Таалай Бугубаевдин архивдик сүрөтү - Sputnik Кыргызстан
Жазылуу
Кайгуул башкармалыгынын билдирүүсүнө ылайык, өлкө аймагында бир жума ичинде 116 жол кырсыгы катталып, 163 адам жабыркаган. Мындан тышкары, 48 кылмыштын бети ачылган.
Таалай Бугубаев: жүргүзүлгөн рейддерге карабай жол эрежесин бузгандар көп

Бишкек ШИИБдин Кайгуул милиция кызматкерлеринин жүргүзгөн рейддерине карабай жол эрежелерин бузгандардын саны өсүүдө. Бул тууралуу Кайгуул милициясынын маалымат кызматынын өкүлү Таалай Бугубаев билдирди.

Анын айтымында, жол эрежесин бузгандардын көбү жаш балдар жана маршрутканын айдоочулары.

Капталынан жыгылган маршрутка. Кырсыктын жаңы видеосу чыгып, себептери айтылууда - Sputnik Кыргызстан
Капталынан жыгылган маршрутка. Кырсыктын жаңы видеосу чыгып, себептери айтылууда
"Жаш уландарга унаа айдаган кызык болуп, ылдамдыкты көбөйтүп алып, тыгынга карабай каршы тилкеге чыга калып айдашат. Ошондой эле жүргүнчү ташыган маршрутканын айдоочулары ичине толтура киши салып алып, бири-бири менен жарышкан фактылар көп катталат. Бишкек ШИИБдин Кайгуул милициясы тез-тезден эле рейд жүргүзүп турат, ага карабай жол кырсыктары көп катталууда. Былтыркы жылга салыштырмалуу быйыл жыл башынан бери жүргүнчү ташыган маршрутка иштеткен компанияларга 60 жолу эскертүү каттары жиберилип, айып пулдар салынган. Ошондой эле түшүндүрүү иштери деле жүрүп жатат, бирок жеткиликсиз болуп жатат окшойт", — деди Бугубаев.

Кайгуул башкармалыгынын билдирүүсүнө ылайык, өлкө аймагында бир жума ичинде 116 жол кырсыгы катталып, 163 адам жабыркаган, Мындан тышкары, 48 кылмыштын бети ачылган.

Ал эми жол эрежелерин бузуу боюнча 11 259 админстративдик протокол түзүлүп, 337 автоунаа атайын унаа токтотуучу жайга киргизилген.

Калаадагы жол кырсыгы көп катталган көчөлөрдү, борбордо кайсы жол кырсыгынын түрү көп болуп жатканын жана алар кайсы маалга туш келерин Sputnik Кыргызстан материалынан көрүңүздөр>>

Жаңылыктар түрмөгү
0