БИШКЕК, 13-апр. — Sputnik. Борбор калаада үйлөрдү тоноду деген шек менен 25 жаштын тегерегиндеги кыздар кармалды. Бул туурасында Бишкек шаарынын милициясынан кабарлашты.
Бир нече күндөн кийин Октябрь райондук милициясына ушундай эле маанайдагы арыз түшкөн. Жабырлануучу анын үйүнөн плазмалык телевизорун, муздаткычын жана электр мешин колу туткактар "шыпырып" кеткенин тизмектеп берген. Учурда чыгымдын наркы аныкталууда.
Ыкчам иликтөө иштеринен кийин ууру болушу мүмкүн деп шек жараткан кыздар — Токтогул районунда туулган 26 жана 33 жаштагы жарандар кармалган.
"Уурулук боюнча алардын атайылап иштеп чыккан ыкмалары болгон. Кыздар үйүн ижарага берген кишилерге акчасын бир нече күндөн кийин берээрин убадалап, квартирант катары ачкычтарын алып калышкан. Алар көп өтпөй шылтоолорду бетке кармап, жашабай тургандыгын айтышкан. Кийин башка адамдар кирип жашай баштаган соң, кыздар жасатып алган ачкыч менен үйгө кирип, андагы буюмдарды көтөрүп кетип турушкан", — деп айтылат маалыматта.
Милиция учурда алардын башка уурулук иштерге катышы бары-жогу такталып жана шериктери изделип жаткандыгын кошумчалашты.
