Радиостудия Sputnik Кыргызстан в Бишкеке - Sputnik Кыргызстан
Радио

Нуржигит Кадырбеков: "Жүзүмө түкүрбө" долбоору Кыргызстан боюнча өтөт

© Фото / Зульфия Тургунова"Ыйман" фондусунун жетекчиси Нуржигит Кадырбеков
Ыйман фондусунун жетекчиси Нуржигит Кадырбеков - Sputnik Кыргызстан
Жазылуу
Баткен шаарында "Жүзүмө түкүрбө" акциясы өткөрүлүүдө. Иш-чаранын алкагында жаштар, студенттер жарандарды адептүүлүккө, тазалыкты сактоого үндөп шаарды аралай жөө жүрүшкө чыгышты.
Нуржигит Кадырбеков: "Жүзүмө түкүрбө" долбоору Кыргызстан боюнча өтөт

Баткенде өткөн акция учурунда жаштарды адеп-ыйманга, тазалыкты сактоого үндөгөн видеороликтер көрсөтүлүп Кыргыз Эл артисти Саламат Садыкова жаштарга кеп-кеңештерин берди.

"Ыйман" фондусунун жетекчиси Нуржигит Кадырбеков долбоор алгач Бишкек шаарында өтсө, андан кийин Жалал-Абадда, эми Баткенде өтүп жатканын айтып берди. Кийинки кезек Нарынга берилет.

"Мекенибиз жүзүбүз, "Жүзүмө түкүрбө, мекендешим" аттуу долбоорду ишке ашыруу демилгесин "Ыйман" фондусу көтөргөн. Аны коомчулук жана маданияттын кызматкерлери да колдошууда. Ошондой эле өкмөт дагы колдоп, керек болсо республикалык деңгээлде өткөрүү да каралууда", — деди ал.

Кадырбеков бул долбоор кыргызстандыктар көчөгө түкүрбөй, таштанды ыргытпай калганга чейин уланарын кошумчалады.

Жаңылыктар түрмөгү
0