Дастан Жапар уулу: бир айда беш сынакка катышуу биз үчүн чоң сыймык
"Ата керээзи" тасмасы апрель-май айларынын аралыгында беш ири эл аралык фестивалга катышат. Бул тууралуу Sputnik Кыргызстан агенттигине режиссерлордун бири Дастан Жапар уулу маалымдады.
Анын айтымында, аталган тасма эки жумадан ашык убакыттын ичинде беш мамлекетке барат.
"Бир айда беш сынакка катышуу биз үчүн чоң сыймык. Ачыгын айтканда мындай болот деп ойлогон эмеспиз. 14-21-апрелде АКШдагы, 16-23-апрелде Кытайдагы, 21-28-апрелде Ираны, 26-апрелден 2-майга чейин Германиядагы, апрель айынын соңунда Индиядагы кинофестивалдарда ат салыша турган болду", — деди режиссер.
Мындан сырткары, "Ата керээзи" тасмасы жана анын жаратуучулары 14-апрелде өтө турган "Ак илбирс" улуттук кинопремияда 8 номинация боюнча жеңишке жетишкен.
