Башка улуттун балдары Манас айтууга көп кызыгышат. Бул тууралуу Sputnik Кыргызстан агенттигине "Саякбай манасчы" эл аралык фондунун жетекчиси Саматбек Ибраев билдирди.
Анан айтымында, учурда республикалык "Манас таануу" сынагы уюштурулууда.
"Жан дили менен Манас айтып, өнөрдү улай турган жаштарыбыз келе жатат. Мектептерде "Манас таануу" сынактарын уюштуруп жатабыз. Ошол сынактарда башка улуттун балдары Манас айтканда маңдайың жарыла кубанасың. Кечээ жакында эле Мамлекеттик каттоо кызматынын Бишкек шаардык бөлүмүндөгү 150 киши "Манас таануу" сабагын окуйт элек деп кайрылышты. Учурда эки айга келишим түзүп, аларды окуталы деп турабыз", — деди Ибраев.
Ал Ошто дагы "Саякбай манасчы" фондусунун филиалы ачылып, ал жакта да Манас таануу боюнча сабактар өткөрүлүп жатканын кошумчалады.
Саматбек Ибраевдин толук маегин Sputnik Кыргызстан материалынан окуңуздар>>
