БИШКЕК, 24-мар. — Sputnik. Мамлекет башчы Алмазбек Атамбаев 2005-жылдагы март окуяларына арналган скверге журналисттер менен барган учурунда КСДП ой келди адамды президенттикке сунуштабай турганын билдирди.
Өлкө башчы талапкерлер тууралуу алгач коомдун пикирин билүү керектигин айтты.
"КСДПдан президенттикке талапкерлердин саны көп. Коомчулуктун пикирин уккандан кийин кимиси популярдуу экени маалым болот. Талапкерлер ортосунда компроматтар согушу башталды. Бул көрүнүш талапкерлердин кимиси булганбаганын билүүгө шарт түзөт", — деп билдирди Атамбаев.
Буга чейин мамлекет башчы президенттик шайлоо үстүбүздөгү жылдын 19-ноябрында өтөрүн айткан.
Учурда Темир Сариев, Бакыт Төрөбаев, Өмүрбек Текебаев жана Баткен Шерниязов президенттикке талапкерлигин койгондугу маалым.
Алмазбек Атамбаев Кыргызстандын социал-демократтар партиясын түзгөн.
