Сулайманов: халифат түзүү идеясы менен Кара-Суунун тургуну кармалды
Халифат идеологиясын тараткандыгы үчүн атайын кызматтар тарабынан Кара-Суу айылынын тургуну кармалды. Бул тууралуу УКМКнын атайын өкүлү Рахат Сулайманов билдирди.
"Ош облусунун Кара-Суу районунун 58 жаштагы тургуну Кылмыш кодексинин 299 "Улуттук, расалык, диний жана аймактык араздашууга шарт түзүү" беренеси менен соттолуп чыккан. Анын колунан алынган теологиялык экспертизанын жыйынтыгы менен ага Кылмыш кодексинин 299-берене 2-бөлүгү ("Жалпы биримдиктин жана диний уюмдун ишмердүүлүгүн уюштурган") менен кылмыш иши козголду", — деди Сулайманов.
Колго түшүрүлгөн адам учурда убактылуу кармоочу жайга киргизилген.
