БИШКЕК, 11-мар. — Sputnik. Дүйнө жүзү 1945-жылдан кийинки эң чоң гуманитардык каатчылыкка кабылды. Бул тууралуу РИА Новости Associated Press агенттигине шилтеме кылып билдирди.
10 Жалган Куран 2017, 15:11
Бириккен улуттар уюмунун (БУУ) айтымында, учурда Йемен, Түштүк Судан, Сомали жана Нигерияда гуманитардык каатчылыктын алдын алуу үчүн тезирээк каржылык колдоо көргөзүү керек. Ал жактагыларга жок дегенде ушул жылдын июль айына 4,4 миллиард доллар чогултуу зарыл.
БУУнун гуманитардык маселелер боюнча бөлүмүнүн башчысы Стивен О"Брайандын айтымында бул маселени чечүү үчүн дүйнө коомчулугу менен эл аралык уюмдар биргеликте аракет көрбөсө миллиондогон адамдар жөн эле кырылып калат.
"Бул акчалар болбосо балдардын бою өспөй, жакшы өнүгө албай калышат. Андан сырткары балдар мектепке барбай алардын келечеги такаланат", — деди О"Брайан.
Учурда аталган төрт өлкөнүн 20 миллион калкы гуманитардык жардамга муктаж болууда.
