Кыргызстандык Муртазалиев АКШда жиу-житсу мелдешинде алтын тагынды

© Фото / Муртазали МуртазалиевКыргызстандык Абдурахманхаджи Муртазалиев бразилиялык жиу-житсу боюнча АКШда өткөн турнирде
Кыргызстандык Абдурахманхаджи Муртазалиев бразилиялык жиу-житсу боюнча АКШда өткөн турнирде - Sputnik Кыргызстан
Жазылуу
Акыркы беттешүүдө спортчу атаандашына карата муунтуучу ыкманы колдонуп, жеңишке жетишкен.

БИШКЕК, 6-мар. — Sputnik. Кыргызстандык Абдурахманхаджи Муртазалиев бразилиялык жиу-житсу боюнча АКШда өткөн турнирде алтын тагынгандыгын Sputnik Кыргызстан агенттигине спортчунун байкеси Муртазали Муртазалиев билдирди.

Тайбоксер из Кыргызстана Антонина Шевченко - Sputnik Кыргызстан
Антонина Шевченконун атаандашы мелдеш алдында алмашып кетти
BJJ Pride Championship 2017 эл аралык турнири жекшемби күнү Нью-Йоркто өткөн. Кыргызстандык спортчу 86 килограммга чейинки салмак категориясы боюнча беттешкен. Мушкер Бразилия жана АКШ спортчулары менен күч сынашып, финалдык бөлүктө дагы бир америкалык спортчу менен беттешкен.

Муртазалиев акыркы мүнөттөрдө муунтуучу ыкманы колдонуп, алтын медаль жеңип алды. Эки жума мурда Нью-Йоркто өткөн эл аралык турнирде дагы эки медаль менен Бириккен Араб Эмираттарында 14-16-апрелде өтө турган эл аралык турнирге жолдомо утуп алган.

Абдурахманхаджи Муртазалиев эл аралык класстагы спорттун чебери, дүйнөнүн эки жолку чемпиону жана Азия менен Европа чемпионатынын жеңүүчүсү.

Жаңылыктар түрмөгү
0