БИШКЕК, 1-мар. — Sputnik. Бүгүн түнү Бишкекте жол кырсыгына кабылган КТРКнын башкы директору Илим Карыпбеков эсине келди. Бул тууралуу Травматология жана ортопедия илим изилдөө борборунун директору Сабырбек Жумабеков Sputnik Кыргызстан агенттигине билдирди.
Эскерте кетсек, кырсык Токомбаев менен Байтик баатыр көчөлөрүнүн кесилишинде болгон. Дарыгерлер Карыпбековго эки саатка созулган операция жасап, андан соң жасалма дем алдыруу аппаратына туташтырышкан.
"Абалы турукташып калды, бирок оор деп бааланып жатат. Сүйлөөгө жарап, өз алдынча дем алып жатат. Учурда реанимацияда", — деди Жумабеков.
Таңкы саат 05.00дө бейтапты саламаттык сактоо министри Талантбек Батыралиев келип көрүп, кырдаалды жеке көзөмөлүнө алган.
