БИШКЕК, 28-фев. — Sputnik. Кыргызстанда канча россиялык компания иштейт? Этти россиялыктар көбүрөөк жешеби же кыргызстандыктарбы? Төмөндө эки өлкөнүн ортосундагы ушул жана башка алака-байланыш тууралуу 16 факты сунушталат.
1. Жыл сайын Кыргызстандан Россияга 400 миңге жакын киши кетет. Бул көрсөткүч боюнча Кыргызстан Казакстандан (800 миңге чукул адам) кийин эле экинчи орунда турат.
2. Төрт жыл мурда Россия Кыргызстандын жарым миллиард доллар карызын кечкен. 189 миллионду дароо чийип койсо, калган 300 миллиону өткөн жылдын март айынан тарта 2026-жылга чейин жоюлмай болду.
4. Россиянын аймагына 86 Кыргызстанды батырса болот!
5. Жыл сайын Кыргызстанга Россиянын жарым миллиондон ашуун жараны келет. Бул жагынан да Россияны Казакстан гана озуп кете алат (2 миллион адам).
6. Кыргызстандыктар соодадан тапкан ар бир онунчу сом Россиядан келет.
7. Кыргызстанда чет өлкөлүк компаниялардын саны боюнча Россия алдыда турат. Кыргызстанда 667 россиялык ишкана бар.
8. Кыргызстанда жашагандардын үч пайызы башка өлкөдөн келгендер. Россияда бул көрсөткүч сегиз пайызга жетет.
9. Россиянын орто деңгээде жашаган жараны жылына 74 килограмм эт жейт. Ал эми кыргызстандык — 19 гана.
10. Адам өмүрүнүн узундугу Россия менен Кыргызстанда бирдей — 70 жаш.
12. Кыргызстанда жыл сайын миң адамга 23 ымыркай төрөлсө, Россияда 18 гана наристе жарык дүйнөгө келет.
13. Кыргызстандыктар Россия жарандарына караганда чыгымды эки эсе аз чегет. Бир кыргызстандык күнүнө үч чылым чексе, россиялык алтыны түтөтөт.
14. Россияда айлык Кыргызстанга салыштырмалуу үч эсе көп. Ушул тапта кыргызстандыктар орто эсеп менен бир айлык эмгеги үчүн 200 доллар акы алышат.
15. Россия Кыргызстанга килген инвесторлор арасында лидер. Бүгүнкү күндө бул сан жарым миллионго жакын долларды түзөт.
16. Кыргызстандыктар орус жарандарына караганда арак-шарапты аз ичишет. Бизде киши башына бир жылда ичилген арак 4 литрди түзсө, Россияда 15 литрге жетет.
