Путин ЕАЭБди чыңдоо үчүн Орто Азияга келет. Бул тууралуу Sputnik Кыргызстан агенттигине Кыргыз-Түрк "Манас" университетинин профессору Алмаз Акматалиев билдирди.
Белгилей кетсек, Владимир Путин 28-февраль күнү иш сапары менен Кыргызстанга келет.
"Путиндин келиши бул мыйзам ченемдүү нерсе. Күн тартибине 3-4 маселе коюлушу мүмкүн. Негизгиси Бажы биримдиги боюнча маселелер талкууланат. Анткени аталган биримдиктин акыбалы анча жакшы эмес. Белоруссия менен Казакстандын нааразычылыгы күчөп жатканда Путин биримдикти бекемдөө үчүн Орто Азияга багыт алууда. Анын Тажикстанга барышында аталган өлкөнүн ЕАЭБге кирүү маселеси каралышы мүмкүн", — деди Акматалиев.
Эксперт Владимир Путин мөөнөтү бүтүп жаткан Алмазбек Атамбаевге жолугуп, кийинки президент тууралуу сүйлөшүшү мүмкүндүгүн кошумчалады.
