Мындай маалымат чындыкка коошпой турганын Улуттук коопсуздук мамлекеттик комитетинин маалымат кызматынын расмий өкүлү Рахат Сулайманов билдирди.
"Сурак учурунда Өмүрбек Текебаев тамак берилбей бир гана суу берилди деп "Ата Мекен" фракциясынын катчылыгы тараткан билдирүү чындыкка дал келбейт. Адвокат Чынара Жакупбекова УКМКнын тергөө башкармалыгына саат 10:15те келип, саат 10:45те тергөө иш чаралары башталган. Сурак саат 13:30га чейин уланган. Кийинки төргө саат 16:40та башталып саат 18:30да аяктады. УКМК тарабынан жүргүзүлгөн бардык тергөө иш чаралары Кыргызстандын мыйзамдарынын негизинде өттү", — деди ал.
"Ата Мекен" фракциясынын лидери Текебаевди жекшембиде түнкү саат 3.30да "Манас" аэропортунан кармап кетишкен. УКМКнын тергөө абагына 48 саатка камалган. https://sputnik.kg/society/20170226/1031938948/tekebaev-kamaldy.html Депутаттын тарапташтары Улуттук коопсуздук мамлекеттик комитетинин имаратынын алдында нааразычылык акцияларын өткөрүп, ал кечки саат тогузга чейин уланган.
