БИШКЕК, 21-фев. — Sputnik. Кыргызстандын тышкы иштер министри Эрлан Абдылдаев Россиянын тышкы иштер министри Сергей Лавровго РФтин Бириккен Улуттар Уюмундагы туруктуу өкүлү Виталий Чуркиндин каза болгонуна байланыштуу көңүл айтты. Бул тууралуу КРдин Тышкы иштер министрлиги билдирди.
Эске салсак, Виталий Чуркин 65 жашка чыгарына бир күн калганда 20-февраль күнү Нью-Йоркто каза болгон.
"Виталий Чуркиндин жакындарына жана Россиянын Тышкы иштер министрлигинин жамаатына терең кайгыруу менен көңүл айтам", — деп жазылат телеграммада.
Чуркин 1974-жылдан бери дипломатиялык кызматта иштеп келген. Ал эми 2006-жылдан тарта Россиянын БУУдагы туруктуу өкүлү болуп иштеген.
