ӨКМ: автожолдордо кар көчкү жүрүү кооптуулугу сакталууда

Жазылуу
Yandex newsTelegram
Жалал-Абад, Ош, Ысык-Көл жана Нарын облусунун айрым жолдорунда кар көчкү жүрүшү ыктымал.

БИШКЕК, 11-фев. — Sputnik. Дем алыш күндөрү өлкөнүн айрым автожолдорунда кар көчкү жүрүү коркунучу бар. Бул тууралуу Өзгөчө кырдаалдар министрлиги билдирди.

Лавина - Sputnik Кыргызстан
Түптө кар көчкү 12 жаштагы баланы басып калды
Маалыматка ылайык, 11-12-февралда күтүлүп жана жаап жаткан карга байланыштуу Ош — Бишкек жолунун Төө-Ашуу, Ала-Бел жана Көл-Бел ашууларында, Чычкан капчыгайында кар көчкү жүрүшү мүмкүн.

Андан сырткары, Мырзаке — Кара-Кулжа — Алайкуу жолунун 65-90-чакырымында, Ала-Бука — Каныш-Кыя жолунун 65-90-чакырымдарынын аралыгында кооптуулук сакталат.

ӨКМ буга байланыштуу аталган аймактарда авто унаалар ортосундагы 500 метр аралыкты сактоо зарылдыгын эскертет.

Жаңылыктар түрмөгү
0