БИШКЕК, 29-янв. — Sputnik. Кыргызстандык мушкер Валентина Шевченко венесуэлалык Жулианна Пенья менен UFC турниринин алкагында беттешти. Бул тууралуу турнирдин расмий сайтында маалымдалды.
Эске салсак, аталган турнирдин алкагында Шевченконун атаандашы былтыр декабрь айынын башында белгилүү болгон.
Беттеш 28-январда АКШнын Колорадо штатындагы Денвер шаарында өттү. Экинчи раундда ал атаандашын утуп алды.
Эми кыргызстандык мушкер UFC боюнча азыркы дүйнө чемпиону Аманда Нуньес менен беттешет. Шевченко былтыр Нуньеске UFC 196 турниринин алкагында упай жагынан утулуп калган.
Валентина Шевченко муайтай, кикбоксинг жана аралаш мушташ боюнча дүйнөнүн бир нече чемпиону болуп эсептелет.
Ultimate Fighting Championship — аралаш мушташ боюнча Түндүк Америкада, Европада жана Азияда турнир өткөргөн спорт уюму. Анын башкы кеңсеси Лас-Вегас шаарында жайгашкан.
