БИШКЕК, 28-янв. — Sputnik. "Ата керээзи" тасмасы Индияда өтө турган кинофестивалга катышат. Бул тууралуу кинематография департаменти билдирди.
Маалыматка ылайык, аталган эл аралык кинофестиваль 2-февралдан 9-февралга чейин Индиянын Бангалор жана Майсур шаарларында өтөт.
Тогузунчу жолу өтүп жаткан фестивалда 50 өлкөнүн 180ден ашык фильми көрсөтүлөт. Анда "Ата керээзи" тасмасы "Азиянын киносу" сынагына киргизилген.
Кошумчалай кетсек, аталган кинофестивалга буга чейин дагы кыргыз тасмалары катышкан. Алсак, 2012-жылы Эркин Салиевдин "Ханбийке Назик" жана 2016-жылы Дальмира Тилепбергенованын "Асман алдында" тасмалары катышып байгелүү кайтышкан.
