Пан Ги Мундун колун кыскан КР окуучусу кыздардын укугун коргогусу келет

Жазылуу
Yandex newsTelegram
Ысык-Ата районунун 11-класстагы окуучусу Айтурган Жолдошбекова БУУнун жыйналышында кыздардын укугу жөнүндө доклад окуп келди.

Кыргызстанда кыздардын укугу чектелген, мындай көрүнүшкө каршы күрөшүү керек деген окуучу кыз Пан Ги Мун менен көрүшкөнүн айтты.

"Мен докладды окуп бүткөндөн кийин жаныма Пан Ги Мун келип колумду кыса Кыргызстан кыздардын укугун коргогон укуктук мамлекет экенин айтты. Аны менен жолукканда абдан толкунданып жаттым. Мындан ары биздин өлкөдөгү аялдардын укугун коргоо менен алектенүүнү пландап жатам. Себеби Кыргызстанда кыздар менен аялдардын укугу бузулган учурлар арбын", — деди Жолдошбекова.

Ысык-Ата районунун 11-класстагы окуучусу Айтурган Жолдошбекова Sputnik Кыргызстан агенттигинин мультимедиалык борборунда өткөн маалымат жыйын учурунда - Sputnik Кыргызстан
КР окуучусу: БУУда сүйлөгөндөн кийин кыздардын укугун коргоону каалап калдым
Анын айтымында, эки жыл мурун билим алган мектеби Кыргызстандын Кыздар федерациясы менен кызматташа баштаган. Анын алкагында окуучуларга гендердик теңдик тууралуу тренингдер өткөрүлүп, Айтурган ушул теманын үстүндө өз алдынча сабак өткөн 10 окуучунун катарында болгон.

"Мага укук коргоо жааты жакын болгондуктан мектепти аяктагандан кийин юридикалык билим алып прокурор болууну пландап жатам", — деди Жолдошбекова. Ал ошондой эле учурда "аялдардын теңсиздигине каршы күрөшүү" боюнча долбоорго катышып жатканын айтты.

Жаңылыктар түрмөгү
0