Өкмөт Бишкектин тегерегиндеги дачалардын статусун аныктап, атуулдарга толук кандуу жарандык укуктарын пайдаланууга шарт түзүп бериши зарылдыгын Жогорку Кеңештин депутаты Алмамбет Шыкмаматов Sputnik Кыргызстан агенттигине билдирди.
"Жарандар дачаларда жайы-кышы менен жашоого аргасыздан барып жатышат. Ошондуктан мамлекет дачалардын статусу боюнча маселени чечип бериши зарыл. Буга чоң каражаттын кереги жок. Болгону өкмөттүн эрки, каалоосу, далалаты керек. Ооба, акчага байланышкан маселелер бар. Мисалы, бала бакча, мектеп, оорукана куруу дегендей. Бирок каражат жетпейт деп отура берүүгө мындан ары болбойт", — деди депутат.
Анын айтымында, дачалардын айыл катары мыйзамдаштыруу маселеси көтөрүлүп келе жатканына 10 жыл болду. Депутат өкмөт учурдагы кырдаалды эске алуу менен бул жолу маселени чечип берет деген ишенимин айтты.
