БИШКЕК, 19-янв. — Sputnik. Ош шаарындагы рейд учурунда сойкулук кызмат көрсөтүп жүргөн 14 кыз кармалды. Алардын арасында кош бойлуу аял жана сүйлөбөгөн кыз бар. Бул тууралуу Ош ШИИБдин басма сөз кызматы билдирди.
Маалыматка ылайык, милиция кызматкерлери прокуратура менен макулдашып, бекитилген иш план боюнча Ош шаарынын аймагында сойкулукка каршы рейд жүргүзгөн.
Анын натыйжасында кардар күтүп турган 14 кыз тартип сакчылары тарабынан кармалды.
Кармалгандардын эң улуусу 38 жашта болсо, эң кичүүсү 25 жашта. Биринин сегиз айлык боюнда бар экени белгилүү болду.
