БИШКЕК, 11-янв. — Sputnik. Казакстан 2017-жылдын январынан тарта интернетке болгон бааны мурдагы калыбына келтиргенин "Кыргызтелеком" ААКтын маалымат кызматы билдирди.
16 Бештин айы 2016, 16:57
Август айынын башында Кыргызстандын интернет-провайдерлери казак өнөктөштөрдөн транзиттик баа 3-4 эсеге кымбаттай турганын угушкан.
Ноябрь айынын башында Байланыш операторлор ассоциациясынын жетекчиси Нурбек Абасканов казакстандык операторлор Кыргызстандын интернет провайдерлери менен секундасына бир мегабит интернет үчүн 15 долларлык тариф белгиленген келишимге кол койгонүн билдирген. Бул макулдашуу январдан тарта күчүнө кирмек.
"2017-жылдын январынан тарта "Кыргызтелеком" ААКтын кардарлары абоненттик төлөмү жогорулабаган сапаттуу интернет менен колдоно алышат. Ошентип мекеме премьер-министрдин мурдагы тарифтерге кайтуу боюнча берген тапшырмасын аткарды", — деди Абасканов.
Интернет баасынын кымбаттоо жаңжалынан кийин "Кыргызтелеком" ААКтын директорлор кеңешинин төрагасы Эмил Ешеналиев кызматынан алынып, ордуна Бекзат Үсөнканов дайындалган. Аталган иш боюнча Башкы прокуратура казакстандык интернет провайдерлер менен келишим түзүүдө мамлекеттик сатып алуулардын талабы бузулуп, анын жыйынтыгында казакстандык эки компанияга 275 миң доллар ашыкча төлөнгөнүн айтып чыккан. Натыйжада бул иш боюнча кылмыш иши козголгон.
