БИШКЕК, 10-янв. — Sputnik. Сүлүктүдөгү көмүр шахтада уранды алдында калган жарандын сөөгү табылганын ӨКМ билдирди.
Эскерте кетсек, буга чейин бүгүн, 10-январда саат 14:10до "Раимберди" шахтасында көмүр урандылары көчүп, көмүр казып жаткан Сүлүктү шаарынын 49 жаштагы тургунун басып калган.
Окуя болгон жерге куткаруучулар келип, издөө иштеринин натыйжасында саат 16:30да каза болгон адамдын сөөгүн шахтадан чыгарып, Тез жардам кызматына өткөрүп беришкен.
