ТИМ: Түркиядагы терактыга Машраповдун тиешеси бар деген маалымат ырасталган жок

© Фото / Зульфия Тургунова28-летний гражданин Кыргызстана Яхья Машрапов
28-летний гражданин Кыргызстана Яхья Машрапов - Sputnik Кыргызстан
Жазылуу
Түрк полициясы кыргызстандыкты суракка алган. Ал эми ЖМКларда анын паспортунун сүрөтү жарыяланып кеткен. Машрапов өзү терактыга тиешеси жок экенин айтууда.

БИШКЕК, 4-янв. — Sputnik. Кыргызстандык Яхье Машраповдун Стамбулдагы терактыгы тиешеси бар деген маалымат ырасталган жок. Бул тууралуу Тышкы иштер министрлиги билдирди.

Снимок с видеохостинга Bulbul.kg пользователя turmush.  28-летний гражданин Кыргызстана Яхья Машрапов - Sputnik Кыргызстан
Кыргызстандык жаран Стамбулдагы терактыга тиешеси жок экенин айтты
Буга чейин бир катар чет элдик ЖМКлар жаңы жыл түнү клубга барып 39 кишинин өмүрүнө забын болгон терактыны ишке ашырган деп кыргызстандык жаран Яхье Машраповдун паспортунун сүрөтүн жарыялашкан. Аты аталган жаран бул окуяга эч кандай тиешеси жок экенин билдирүүдө.

ТИМ ушу кезге чейин дипломатиялык канал аркылуу түрк тараптан эч кандай сурам келе электигин, Кыргызстандын укук коргоо органдарын өз алдынча иштеп жатканын белгиледи.

"Учурда жеке ишкерлик менен алектенип келген Машрапов 1-январда Стамбулга келип, кайра 3-январда ал жактан чыгып кеткени далилденди. Түрк полициясы аны аэропорттон суракка алып, андан соң кое берген", — деп айтылат билдирүүдө.

Кыргыз тарап сурам келсе Түркиянын күч түзүмдөрүнө терактыны иликтөөгө бардык жактан жардам берүүгө даяр экенин билдирди.

Эскерте кетсек, жаңы жыл түнү Стамбулда теракт болуп, 39 киши каза болду. Түрк ЖМКлары кандуу окуя Кыргызстандан же Өзбекстандан келген жаран ишке ашырышы мүмкүн экенин жазышууда.

Кыргыз паспортунун беделин түшүргөн фактылар тууралуу Sputnik Кыргызстан агенттиги даярдаган материалдан окуңуз>>

Жаңылыктар түрмөгү
0