БИШКЕК, 29-дек. — Sputnik. Түнкүсүн көпчүлүк аймактарда жаан, кар жаашы мүмкүн. 30-декабрда күндүз Чүй, Ысык-Көл, Нарын облустарынын кээ бир райондорунда кар жаайт. Бул тууралуу Кыргызгидромет билдирди.
Маалыматка ылайык, жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетиши мүмкүн.
Чүй, Талас өрөөнүндө 5 градус жылуу болсо, Ош, Жалал-Абад жана Баткен облустарынын дыйканчылык аймактарында 6 градуска чейин жылуу болот.
Ысык-Көлдө 5 градус жылыса, Нарында —8…-13 градуска чейин суук болот.
