Нарындан Бишкекке сатуу үчүн 0,5 кг алтын алып келгендер кармалды

© Sputnik / Павел Лисицын / Медиабанкка өтүүАлтын куймасы. Архив
Алтын куймасы. Архив - Sputnik Кыргызстан
Жазылуу
Учурда топтолгон материалдар Бишкек шаардык ИИБдин тергөө башкармалыгына өткөрүп берилди.

БИШКЕК, 29-дек. — Sputnik. Нарындан Бишкек шаарына 0,5 килограмм алтын алып келип сатууга аракет жасаган жаран кармалды. Бул тууралуу Бишкек шаардык ИИБдин маалымат кызматынан кабарлашты. 

Билдирмеге караганда, тартип сакчылар 28-декабрда Чүй проспектиси менен Павлов көчөсүнүн кесилишинен Nissan Pathfinder үлгүсүндөгү унааны токтотуп текшерүүгө алышкан. 

"Рулда Нарында төрөлүп Бишкекте жашаган 46 жаштагы жаран болгон. Ошондой эле ысык-көлдүк 46 жаштагы жүргүнчү отурган. Унааны тинтүүгө алганда 445,5 граммдык алтын табылды. Тергөө учурунда Нарындан келген жаран алтындын 1 граммын 2200 сомдон сатуу үчүн Ж.К. аттуу жарандан кардар издешип коюну суранып, Бишкекти унаасы менен кыдыртып чыгууну өтүнгөн", — деп айтылат маалыматта. 

Учурда топтолгон материалдар Бишкек шаардык ИИБдин тергөө башкармалыгына өткөрүп берилди.

Жаңылыктар түрмөгү
0