БИШКЕК, 23-дек. — Sputnik. Кыргызстандык аткаруучу Кайрат Примбердиев Россиянын "Голос" долбоорунун финалдык бөлүгү бүгүн Москва убактысы боюнча саат 21.00дө баштала тургандыгын өзүнүн Instagram баракчасына жазып чыкты.
Кыргызстандык аткаруучу Кайрат Примбердиев ырдай турган Россиянын "Голос" долбоорунун финалдык бөлүгү бүгүн Москва убактысы боюнча саат 21.55те баштала тургандыгы каналдын сайтында жарыяланды.
Өнөрпоз өзүнүн Instagram баракчасына колдоо өтө турганын жазып чыкты.
"Достор, мага добуш берип, колдоп турушуңуздарды өтүнөм. Добуш берүүнүн шарттары жана менин номерим түз эфирде белгилүү болот. Убактысы болгону 10-15 мүнөткө гана созулат, ошондуктан эфирди карап туруңуздар", — деп жазылган билдирүүдө.
Кыргызстандык ырчы Кайрат Примбердиев үстүбүздөгү жылдын сентябрь айынан тарта Россиянын Биринчи каналындагы "Голос" долбооруна катышып келет. Октябрь айында өткөн "Беттеш" турунда Примбердиев Дима Биландын колдоосу менен кийинки этапка өткөн.
