Бүгүн Жогорку Кеңеш "Этил спиртин жана алкоголдук продукцияны өндүрүүнү жана жүгүртүүнү мамлекеттик жөнгө салуу жөнүндө" мыйзамына өзгөртүүлөрдү киргизүү жөнүндө мыйзам долбоорун карап, артка кайтарган.
"Буга чейин Феликс Кулов вице-президент болуп турганда чектөөнү алып салып, аракты каалаган адам чыгара берсин деген. Биз азыр ошого кайтабыз деп жатабыз. Мамлекеттик монополия түрдүү форма менен ишке ашат. Бешинчи чакырылышта чектөө киргизилип, кааласаң-каалабасаң да 200 миң дал (1 дал 10 литрге барабар — ред.) спирттин салыгын төлөйсүң дегенбиз. Мындай кылбасак 200 миң дал өндүргөндөр 50 миң дал өндүрдүк деп салык төлөй берет", — деди Текебаев.
Эл өкүлү чектөөнү алып койсо арак заводдар көбөйүп, эл ууланарын айтып, маселени жакшылап кеңешип чечүү керектигин кошумчалады.
