БИШКЕК, 14-дек.— Sputnik. Коомдук телерадиокорпорация болуп өткөн жергиликтүү кеңештерге шайлоо кампаниясынын үгүт иштеринен 15 миллион сомдон ашык киреше тапканын мекеменин башкы директору Илим Карыпбеков өзүнүн Facebook баракчасына жазып чыкты.
"Буга чейин болгон парламенттик шайлоолордон түшкөн каражатты дагы толугу менен жарыяладык эле. Бул КТРКнын ачыктык принциби менен иштөө аракетинин негизиндеги кадамдар", — деп жазылат билдирүүдө.
Берилген маалыматка караганда үгүт иштерине СДПК — 3 326 400 сом, "Өнүгүү-Прогресс" — 4 356 384 сом, "Кыргызстан" (Бишкек) — 2 375 412 сом, "Республика-Ата-Журт" (Бишкек) — 2 624 687 сом, "Кыргызстан" (Кант) — 682 776 сом, "Кыргызстан Коммунисттер партиясы" — 162 494 сом, "Мекеним Кыргызстан" — 89 813 сом, "Республика – Ата Журт" (Шопоков) — 1 265 328 сом, "Аалам " — 56 549 сом, "Улуу Кыргызстан" — 169 646 сом сарптаган.
