БИШКЕК, 11-дек. — Sputnik. Алдын ала маалымат боюнча элдин көпчүлүгү референдум үчүн добуш беришкенин Борбордук шайлоо комиссиясынын төрайым Нуржан Шайлдабекова маалымат жыйында билдирди.
Эске салсак, бүгүн Баш мыйзамга өзгөртүү киргизүү боюнча референдум жана жергиликтүү кеңешке шайлоо өттү.
БШКнын сайтына жарыяланган акыркы маалыматтарга караганда, Баш мыйзамдын өзгөрүүсүнө макул деп 899,2 миң адам добуш берсе 173,5 миң жаран каршы добушун берген. Ал эми 56,8 миң бюллетень жараксыз деп табылган.
Саат 18.00гө карата жарандардын катышуусу 35,5 пайызды түзгөн. Референдумга 2 миллион 852 миң адам добуш берүүгө укуктуу болгон.
