"Окуя 6-декабрь күнү саат 11 чамаларында Беш-Мойнок айылында болгон. Кылмышка шектүү деп Өзгөн районунун 31 жаштагы тургуну такталып жатат. Анын ошол үйдүн күйөө баласы экендиги анык болду. Үйгө саат 11лер чамасында бычак менен кирип келип, 29 жаштагы келинчегин, 78 жаштагы кайын атасын жана 72 жаштагы кайын энесин бычактаган", — деди ал.
ИИМ өкүлү бул трагедиядан үч бала томолой жетим калганын айтты.
"Алган маалыматтар боюнча алардын ортосунда үч баласы бар экендиги айтылып жатат. Учурда Сузак райондук ИИБ тарабынан тергөө иштери жүрүүдө. Соттук¬ медициналык жана соттук биологиялык экспертиза дайындалды", — деди маалымат кызматынын өкүлү.
Осмонбаев учурда бул трагедия боюнча Кылмыш кодексинин 97-беренеси (адам өлтүрүү) менен кылмыш иши козголгондугун билдирди.
