БИШКЕК, 29-ноя. — Sputnik. Бишкекте мектепке чейинки жана жалпы билим берүү мекемелеринин орус тилдүү мугалимдерине кыргыз тили окутулуп жатат. Бул тууралуу мэриядан кабарлашты.
Билдирмеге караганда, мындай иш-чара кыргыз тилин өнүктүрүү боюнча улуттук программанын алкагында жасалууда.
"Кыргыз тили А1 жана А2 деңгээли боюнча окутулуп жатат", — деп айтылат маалыматта.
Программанын алкагында музыкалык мектептер менен китепканалардын кызматкерлерине да сабактар өтүлүп жатат.
