БИШКЕК, 8-ноя. — Sputnik. "Ата керээзи" тасмасы Минск шаарында өткөн беделдүү "Лістапад" эл аралык фестивалында көрүүчүлөр менен калыстар тобуна көрсөтүлдү. Бул тууралуу тасманын продюсери Талантбек Төлөбеков билдирди.
Анын айтымында, тасманы көрүүчүлөр менен калыстар тобуна фестивалдын программалык директору Игорь Сукманов менен режиссерлордун бири Дастан Жапар уулу тааныштырган.
"Ата мекендик тасманы колдоо үчүн мекендештер менен Кыргызстандын Белоруссиядагы элчиси Кубанычбек Өмүралиев келди", — деп белгиледи Төлөбеков.
Эскерте кетсек, "Ата керээзи" фильми Кыргызстандын атынан "Оскар" сыйлыгынын узун тизмесине киргизилген. Мындан тышкары, картинанын "Алтын глобус" сыйлыгы үчүн сынакка катышуусуна аракеттер көрүлүп жатат.
