БИШКЕК, 3-ноя. — Sputnik. ШКУ саммитинин жыйынтыгы менен 12 документке кол коюлду. Бул тууралуу өкмөттүн маалымат кызматы билдирди.
Эске сала кетсек, бүгүн, 3-ноябрда Бишкек шаарында Шанхай кызматташтык уюмуна мүчө мамлекеттердин өкмөт башчылар кеңешинин 15-юбилейлик жыйыны болуп өттү.
Натыйжада төмөнкү чечимдер макулдашылды:
- ШКУга мүчө мамлекеттердин соода-экономикалык көп тармактуу программасын ишке ашыруунун жүрүшү тууралуу ШКУнун катчылыгынын отчету
- ШКУнун 2015-жылга бюджетинин аткарылышы боюнча ШКУнун финансылык отчету
- ШКУнун 2017-жылга бюджети
- ШКУга мүчө мамлекеттердин жана ШКУнун туруктуу органдарынын тышкы финансылык-чарбалык ишмердүүлүгүнө аудит жүргүзүү боюнча тышкы аудиторлордун комиссиясынын доклады
- Келечек иштер тууралуу ШКУнун өнүгүү банкын жана ШКУнун (Атайын эсебин) өнүктүрүү фондун түзүү.
- ШКУнун алкагында 2017-2021-жылдар аралыгында ишмердүүлүгүн келечекте өнүктүрүү долбоору боюнча иш чаралардын тизмеси
- ШКУнун илимий-техникалык өнөктөштүгү тууралуу концепциясы
- ШКУга мүчө мамлекеттердин өкмөттөр аралык 2016-2010-жылдар аралыгында илимий-техникалык кызматташтык жөнүндөгү иш-чараларды ишке ашыруу боюнча планы
- ШКУнун жолдорду өнүктүрүү жөнүндөгү программасынын долбоору
- ШКУ катчылыгынын жаңы түзүмү
- ШКУ катчылыгынын жаңы штаттык түзүмү тууралуу чечимдерге кол коюлду
- ШКУга мүчө мамлекеттеринин өкмөт башчылары тараптан биргелешкен коммюнике.
