Ага төрагалык кылган премьер-министрдин милдетин аткаруучу Сооронбай Жээнбеков ШКУ алкагындагы соода-экономикалык кызматташуунун өнүгүшү уюмдун бекемделишин шарттай турганын айтты. Мындан тышкары, Кыргызстандын сунуштарын белгилеп өттү.
"Кызматташуу жаатындагы долбоорлорду ишке ашыруу үчүн каржылоо маселесин чечүү керек. Кыргызстан ШКУну өнүктүрүү фондусун жана өнүктүрүү банкын түзүүнү тездетүү керек деп эсептейт. Аталган структуралар экономикалык долбоорлорду ишке ашыруучу финансылык каражат болуп саналат", — деди ал.
Россиянын премьер-министри Дмитрий Медведев ШКУ 15 жылдан бери иштеп келе жатканын белгиледи. Анын айтымында, аймактагы коопсуздукту бекемдөө жаатында коюлган ой-тилектердин баары ишке ашты.
"Учурдагы кырдаалга карабастан уюм өзүнүн алдына койгон максаттарына жетти", — деди РФ өкмөт башчысы.
Жыйындын соңу менен 12 документке кол коюлду.
