БИШКЕК, 3-ноя. — Sputnik. Бишкекте Шанхай кызматташуу уюмуна мүчө мамлекеттердин өкмөт башчылар кеңешинин 15-мааракелик жыйыны башталды.
Тар чөйрөдөгү жолугушууга Казакстан, Кыргызстан, Кытай, Россия, Кытай жана Тажикстандын премьер-министрлери, Өзбекстандын биринчи вице-премьери катышты. Кеңейтилген жолугушууда аларга байкоочу мамлекеттердин, эл аралык уюмдардын өкүлдөрү жана ШКУ катчылыгынын кызматкерлери кошулду.
Саммитте бир катар маселелер талкууланып, анын жыйынтыгы менен 10 документке кол коюлмакчы.
Шанхай кызматташтык уюму (ШКУ) — Кытай, Россия, Казакстан, Тажикстан, Кыргызстан жана Өзбекстандын өлкө башчылары тарабынан 2001-жылы негизделген эл аралык уюм. 2015-жылдын 10-июлунда ШКУга Индия менен Пакистандын кошулуусу боюнча процедура башталган. Уюм аталган аймакта стабилдүүлүк менен коопсуздукту бекемдөө, терроризм, сепаратизм, экстремизм, баңгизат сатуу менен күрөшүү, экономика, энергетика, илим жана маданият жаатында кызматташуу максатын көздөйт.
