БИШКЕК, 1-ноя. — Sputnik. Расмий иш сапардын алкагында Кытайдын Мамлекеттик кеңешинин премьери Ли Кэцян Кытай мамлекеттик өнүктүрүү банкы менен "РСК Банктын" ортосунда 10 миллион доллар өлчөмүндөгү насыялык келишимге кол коюусу күтүлүүдө. Бул тууралуу ТИМдин биринчи саясий департаментинин директору Айбек Молдогазиев билдирди.
2-ноябрда Кытайдын мамлекеттик кеңешинин премьери Ли Кэцян Бишкекке расмий сапары менен келет.
"Өкмөттөр жана ведомстволор аралык келишимдерге кол коюлат. Муну менен катар "РСК Банкы" менен Кытайдын мамлекеттик өнүктүрүү банкынын ортосунда насыялык келишим түзүү пландалып жатат. Анын алкагында "РСК Банк" 10 миллион долларга жакын каражат алат. Шарттары мага белгисиз, баамымда пайдалуу болот", — деп билдирди Молдогазиев.
"РСК Банктын" 100 пайыз акциясы кыргыз өкмөтүнө таандык. Уставдык капиталы 1,8 миллиард сомду түзөт.
