БИШКЕК, 1-ноя. — Sputnik. Түркиянын "Ушакспор" футболдук клубу Мирлан Мурзаевди ноябрда өтө турган беттештерге даярдык көрүү үчүн улуттук курама топтун машыгууларына жибербей койгондугун Футбол федерациясынын маалымат кызматынан кабарлашты.
Бишкекте алдыдагы беттештерге даярдык көрүү үчүн 1-ноябрдан тарта машыгуулар башталды. Негизги даярдык Манилада (Филиппин) өтөт.
Жолдоштук оюндар чет мамлекетте өткөрүлөт. Курама топ 9-ноябрда филиппиндиктер менен беттешсе, 15-ноябрда Бахрейн курама тобуна каршы чыгат.
Футбол федерациясы Мирлан Мурзаевдин ордуна "Дордой" клубунун оюнчусу Мирбек Ахматалиев алынганын билдирди.
Калган тизме өзгөрүүсүз бойдон калган.
