Жанар Акаев: мугалим болчу студенттердин стипендиясын эки эсе көбөйтүү керек
Педагогикалык адистикте окуган студенттердин стипендиясын эки эсе көбөйтүү керек. Бул тууралуу КСДП фракциясынын депутаты Жанар Акаев Sputnik Кыргызстан агенттигине билдирди.
"Аймактарга жаш кадрларды көбүрөөк алып барышыбыз керек. Жаштардын көбү билим алып, шаарда калып калышат. Ал үчүн айылдарда шарт түзүп, педагогикалык адистикте окуган студенттердин стипендиясын эки эсе көбөйтүү зарыл. Менин көтөргөн демилгемди өкмөт башчы Сооронбай Жээнбеков колдоого алып, каржы министрине тапшырма берди. Буюрса демилге жаңы жылдан кийин ишке ашып калат", — деди депутат.
Акаев демилге жакшы жыйынтык берсе ушул багытта иштер улантыларын кошумчалады.
