БИШКЕК, 24-окт. — Sputnik. Афганистанда апийим айдалган жердин аянты 2015-жылга салыштырмалуу быйыл 10 пайызга көбөйгөн. Бул тууралуу Франс Пресс агенттиги БУУнун баңгизат жана кылмыштуулук боюнча башкармалыгынын отчетуна таянуу менен билдирди.
18 Тогуздун айы 2016, 08:43
Маалыматка ылайык, баңгизат өндүрүшү 43 пайызга чейин көтөрүлүп, 4,6 миң тоннаны түзүшү мүмкүн. 2015-жылы өлкөдө 3,3 миң тонна апийим өндүрүлгөн.
80-жылдары Афганистан өнүгүп келе жаткан мамлекеттердин катарында болчу. Бирок, айыл-чарбасындагы түрдүү жагдайлардан улам дыйкандар "маңзатты" өндүрүүгө ык койгон. 2001-жылдан тарта Афганистанда апийим өндүрүштүк масштабда өстүрүлүп баштаган. Учурда ал апийим өндүрүү боюнча дүйнөлүк лидер болуп эсептелет.
