БИШКЕК, 21-окт. — Sputnik. Башкы прокуратуранын кызматкери Эркин Курманалиевге карыз акчадан улам кол салышкан деп билдирди ИИМ башчысы Кашкар Жунушалиев маалымат жыйында.
"Прокурорго кол салууну уюштурган адам анын тууганы болуп чыкты. Ага карыз акча себеп болгон. Анын суммасы канча экендигин иликтөө иштери бүткөндөн кийин билдиребиз", — деди министр.
Орто-Сай айылында 2016-жылдын 29-июль күнү эртең менен Башкы прокуратуранын кызматкери Эркин Курманалиевге кол салуу болуп, оор жаракат алган.
Курманалиевдин өмүрүнө кол салган А.Т. аттуу жаран октябрь айында кармалган.
