БИШКЕК, 17-окт. — Sputnik. Кыргызстандын кургатылган жемиштери Япониядагы Asian Food Show — 2016 жарманкесине коюлат. Бул тууралуу БУУнун Өнүктүрүү программасынын маалымат кызматы билдирди.
Аталган демилге БУУнун "Соодага көмөктөшүү" долбоорунун негизинде ишке ашууда.
"Тандоонун негизинде жаңгак, бал, кургатылган жемиштер тандалып алынган", — деп жазылат маалыматта.
Аталган жарманке үстүбүздөгү жылдын 22-октябрь күнү жыйынтыкталат.
Өткөн жылы Кыргызстан Японияга 117,6 миллион сомдук бал, 39 миллион сомдук кургатылган жемиш экспорттогон.
