БИШКЕК, 11-окт. — Sputnik. Борбор калаанын Кайгуул милиция кызматкерлери ачык-жашыл чыптама кийишет. Бул тууралуу Бишкек шаардык Кайгуул милициясы билдирди.
Маалыматка ылайык, тиешелүү буйрук кечээ күнү берилген.
"Эң биринчи кезекте бул кадам алардын коопсуздугу үчүн жасалууда. Анткени айдоочулар инспекторлорду түнкүсүн көрбөй калып жатышат. Анан, албетте, айдоочулар алыс аралыктан Кайгуул милиция кызматкерлерин байкашы керек", — деп айтылат маалыматта.
Аталган чыптамаларды кичи инспекторлор гана кийишет.
