БИШКЕК, 11-окт. — Sputnik. Эртең өлкө аймагында күн ачык болот. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 3-8 метрге жетет.
"Бишкек жана Ош шаарларында күндүн аптабы 23-25 градуска чейин ысыйт", — деп айтылат маалыматта.
Ал эми Чүй, Талас, Ош, Жалал-Абад, Баткен, Ысык-Көл облустарын ала булут каптап, күн күркүрөйт.
Ошондой эле Кыргызгидромет 13-14-октябрда аба ырайы кескин өзгөрүлөрүн эскертет. 13-октябрда күндүз жана 14-октябрда мезгил-мезгили менен жаан жаап, тоо этектеринде жана Чүй, Талас өрөөндөрүндө карга айланышы мүмкүн.
