БИШКЕК, 11-окт. – Sputnik. 11-декабрь күнү 405 аймакта жергиликтүү кеңештерге шайлоо өтөт. Бул тууралуу БШКнын төрайымы Нуржан Шайлдабекова жыйын учурунда билдирди.
Ал өлкө башчы Алмазбек Атамбаев жергиликтүү кеңештерге шайлоо өткөрүү боюнча жарлыкка кол койгонун кошумчалады.
"Ага ылайык, 11-декабрь күнү 405 аймакта шайлоо өтөт. Алардын 21и шаардык кеңешке болсо, 384тү айылдык кеңешке болот", — деп жазылат маалыматта.
Ал эми БШКнын каттоо бөлүмүнүн башчысы Эдил Үтүров шайлоо өткөрүү үчүн 218, 5 миллион сом керектелерин, алардын 76 миллион сому аймактарга бөлүнөрүн кошумчалады.
